PARIZ, Francuska će uvesti kvote za radnike iz zemalja izvan Evropske unije kojima će omogućiti ulazak u zemlju, kazala je ministarka rada Mjuriel Peniko.
Kako prenosi Hina, ministarka Peniko je pojasnila da će kvote biti određene na ljeto iduće godine.
Dodala je da će vlada sastaviti popis relevantnih zanimanja koja će biti pokrivena tim kvotama, iako je prioritet vratiti Francuze na tržište rada, prenijela je Al Džazira.
“Naš je prioritet da pomognemo Francuzima da se vrate na tržište rada. Tek potom ćemo se okrenuti izbjeglicama i omogućiti im da nađu posao”, rekla je ministarka, kako prenosi agencija.
Ukoliko i dalje bude potrebe za radnom snagom, na korist države i kompanija, istakla je Peniko, “dovešće se ljudi koji su potrebni, u zavisnosti od njihovih zvanja i kvalifikacija”. Aljazzera
