LJUBLJANA, Bivši ministar privrede Matej Lahovnik tvrdi da Slovenija neće uspjeti da proda svoje banke sve dok je u njima toksična imovina.
“Kao što seljak ne može prodati jabuke među kojima su i trule jabuke, tako ni mi nećemo moći prodati banke dok se to ne raščisti,“ rekao je Lahovnik.
Projekat loše banke je potreban ali nije i dovoljan, dodaje Lahovnik. Drugi problem je, po njegovom mišljenju, prezaduženost slovenačkih kompanija, koja je treća najzaduženija u EU.
“Novac ćemo morati pribaviti na stranom tržištu, kod kuće ga nemamo. Problem je što Slovenija više nije destinacija za strane investicije. Na neki način ih tjeramo i sami,“ zaključuje Lahovnik, prenose agencije.
