RIM – Digitalna platforma za posredovanje u iznajmljivanju smještaja Booking.com nagodila se se italijanskim poreskim vlastima da bi zaključila dugogodišnji spor o dugu od 153 miliouna evra.
Nizozemska kompanija pristala je platiti 94 miliona evra poreza na dodatnu vrijednost (PDV) i time je spor okončan, objavila je kancelarija italijanskog državnog tužioca.
Mnogi iznajmljivači oglašavaju smještaj na Booking.comu, ne prijavljujući djelatnost poresknim vlastima koje ističu da porez mora naplatiti digitalna platforma.
Spor obuhvata najam na Booking.comu u razdoblju od 2013. do 2019. godine, a procijenjeni dug kompanije je 153 miliona evra.
Booking.com je saopštio da je zadovoljan nagodbom.
Italijanske poresne vlasti istražuju i moguće izbjegavanje poreskih obaveza digitalne platforme Airbnb.
Prošle sedmice je italijanski sudija naredio da u sklopu istrage zapljenu 779,5 miliona evra evropske filijale Airbnb-ja i njena tri bivša rukovodioca.
Državni tužioci sumnjaju da Airbnb u razdoblju od 2917. do 2021. nije iznajmljivačima naplaćivao porez od 21 posto i doznačivao iznose italijanskim poresknim vlastima.
Aibnb je pokušao osporiti italijanski zakon o oporezivanju najma pred Evropskim sudom koji je presudio u korist Vlade u Rimu.
Vlada premijerke Đorđe Meloni planira postrožiti naplatu poreza za kratkoročni najam nekretnina i najavljuje podizanje poreske stope sa 21 na 26 posto za iznajmljivače koji na tržištu nude više nekretnina. Hina
