RIM – Zbog klimatskih promjena proizvodnja meda u Italiji je u ovoj godini, u odnosu na prošlu, opala za 95 odsto, a u nekim sjevernim pokrajinama maslinovog ulja je proizvedeno čak 80 manje, piše dnevni list “Il Fato kotidijano”, povodu Svjetskog dana ishrane, koji se obilježava danas.
Kao posljedica klimatskih promjena opala je i proizvodnja vina najviše u regiji Toskana, gdje je ove godine proizvedeno 25 odsto manje nego prošle godine.
Zbog toga što su zimske temperature prošle godine, kalendarski kasnile, u regiji Lazio uništeno je 70 odsto proizvodnje lješnika. Istovremeno zbog visokih ljetnih temperatura paradajz je minulog ljeta prijevremeno sazrio, nije bilo moguće sakupiti sav rod iz tehničkih razloga, pa je oko 20 odosto propalo.
Slično je i sa drugim poljoprivrednim kulturama kao što je riža, čiji je rod bio 10 odsto niži u odnosu na prethodnu godinu. Italija proizvodi polovinu od ukupnih potreba Evrope.
Zbog klimatskih promjena drastično je opao i rod voća, prije svega krušaka, breskvi i kajsija.
Ove klimatske promjene i njihov uticaj na propljoprivrednu proizvodnju Italiju je koštao, u protekloj deceniji, više od 14 milijardi evra.
Zbog geografskog položaja Italije, klimatske promjene su za 20 odsto brže ili više izražene nego drugdje, tvrdi predsjednica italijanskog ogranka Svjetske fondacije za prirodu (WWF) Eva Alesi.
Jedna od posljedica je da poljoprivrednici u južnim pokrajinama, na Sicilji i Sardiniji na primjer, umjesto mediteransakih počinju da uzgajaju egzotično voće i povrće. Tanjug
