LJUBLJANA, U Ljubljani otvorena prodavnica u kojoj je moguće zamjeniti i razmjeniti neželjene poklone. “Darilnicu” su otvorile četiri mlade žene kako bi navele ljude da dobro razmisle prije nego što nekom kupe poklon.
“Ljudi danas primaju i daju mnogo poklona, pa smo pomislile da je zgodno imati neko mjesto na kom je moguće razmjeniti neželjene poklone”, kazala je jedna od njih.
Za tu prodavnicu novac nije neophodan jer svako može da uzme šta god poželi u zamjenu za poklon koji je donio.
Svaki predmet se najpre fotografiše, a zatim pakuje i smješta ispod velike jelke. Fotografije odbačenih poklona vise na zidu uz cedulju na kojoj piše zašto su donjeti, ali bez imena, kako bi se izbjegle neprijatne situacije.
