TOKIO- Azijske akcije su danas skliznule sa najvišeg nivoa u posljednji šest meseci jer su kinesko-američke tenzije nagrizle optimizam koji je na tržištima vladao ove nedjelje, evro se zadržao prema dolaru na 21-mjesečnom maksimumu, a cijena zlata se približava rekordnom nivou
U fokusu investitora je bilo trgovanje valutama, pri čemu je evro dostigao najvišu vrijednost od kraja 2018. Pod uticajem dogovora lidera Evropske unije o fondu za oporavak, javlja Rojters.
Jedinstvena valuta je zaključena na azijskom trgovanju na 1,1611 dolara, ojačavši za 1,6 procenata na nedjeljnom nivou, dok je istovremeno došlo do rasprodaje dolara, koji je ove nedjelje pao za 1,4 posto u odnosu na korpu valuta.
Dolarski indeks se spustio na 94,645 poena i na putu je da zabeleži petu uzastopnu sedmiću gubitka.Na tržištima kapitala je zavladala zebnja pošto je Peking obećao da će istom merom uzvratiti Vašingtonu koji je naložio zatvaranje kineskog konzulata u Hjustonu, što je izazvalo spekulacije da bi trgovinski sporazum između dvije države mogao da bude u opasnosti.
Kinesko ministarstvo inostranih poslova saopštilo je da je, kao mjeru odmazde, dalo nalog Sjedinjenim Državama da zatvore svoj konzulat u Čengduu, izvestila novinska agencija Sinhua.To je rezultiralo padom kineskog indeksa najlikvidnijih akcija za 2,9 odsto, mada na nedeljnom nivoi još uvek bilježi dobitak od 0,5 procenata.
Najširi indeks azijsko-pacifičkih akcija, MSCI , bez japanskih, potonuo je za 1,3 posto, smanjivši svoj nedjeljni dobitak na 0,6 procenata. Tokijska berza je zbog praznika bila zatvorena.Na Vol Stritu se indeks fjučersa E-Mini S&P 500 spustio za 0,15 posto, evropski terminski indeks EUROSTOKS50 je pao za 1,0 procenat, a londonski terminski indeks FTSE je potonuo 0,9 odsto.
Rast broja nezaposlenih u SAD, debata u Kongresu o novom paketu stimulativnih mera, i informacije da se Epl suočava sa istragama u više saveznih država po pitanju zaštite potrošača poljuljale su raspoloženje na Njujorškoj berzi.
Tako je indeks Dau DŽons zakljucen noćas u minusu od 1,31 posto, S&P 500 je pao za 1,23, a Nasdak za 2,29 procenata.
Sve to je uticalo da zlato, kao sigurno utočište, još jače zablista u očima investitora. Ovaj plemeniti metal je zaključio trgovanje na cijenovnom nivou od 1.886 dolara po unci, ojačavši za nedjelju dana za 4,2 procenta, na najviši nivo od septembra 2011, i sve je bliži istorijskom cijenovnom rekordu od 1.920 dolara po unci.
Cijene nafte nisu bilježile znatnije kretanje. Fjučersi sjevernomorske nafte “brent” su porasli za 16 centi na 43,47 dolara za barel, a američka WTI nafta je ojačala za devet centi na 41,16 dolara po barelu. Tanjug
