BEOGRAD, Ambasador Velike Britanije u Beogradu Denis Kif ocijenio je da su mjere fiskalne konsolidacije, koje Vlada Srbije namjerava da usvoji, veoma važne.
“Što se tiče ekonomskih reformi, mislim da je ovdje politika Vlade Srbije dosta jasna i ima napretka. Prije mjesec dana usvojeno je nekoliko važnih zakona – o radu, o medijima i mislim da je to napredak, to je važno. Sada imamo drugo pitanje, a to je implementacija”, rekao je Kif.
Prema njegovim riječima, još jedno bitno pitanje u sferi reformi je pitanje rebalansa budžeta.
“Mjere fiskalne konsolidacije koje je premijer Vučić najavio 18. septembra su izuzetno važne. Smatram da su u kombinaciji sa novim zakonima ovo pozitivni koraci u pravcu reformisanja srpske ekonomije i nastavka procesa približavanja Evropskoj uniji“. Tanjug
